BSNLची दिवाळी ऑफर, कमी किंमतीत 95 दिवसांसाठी दररोज 3 जीबी इंटरनेट डेटा, अमर्यादित कॉलिंग

[ad_1]

BSNL Diwali offer :  दिवाळी जवळ येत आहे आणि अनेक ई-कॉमर्स साइट आणि ब्रॅण्ड त्यांच्या ग्राहकांसाठी सेलचे आयोजन करत आहेत. त्यांच्याप्रमाणेच सरकारी दूरसंचार कंपनी भारतीय संचार निगम लिमिटेडने (BSNL) अलीकडेच आपल्या प्रीपेड प्लॅनवर काही सणांच्या ऑफर जारी केल्या आहेत.  

95 दिवसात 3GB डेटा आणि बरेच काही

BSNL आपल्या 499 रुपयांच्या ऑफरमध्ये ग्राहकांना 90 दिवसांसाठी दररोज 2GB इंटरनेट देत आहे. मात्र, सणासुदीच्या ऑफरची भर पडल्याने या प्लॅनची ​​वैधता 90 दिवसांवरून 95 दिवसांवर आली आहे आणि यामध्ये ग्राहकांना आता 2GB ऐवजी दररोज 3GB इंटरनेट डेटा मिळणार आहे.

तसेच BSNL ग्राहकाला कोणत्याही नेटवर्कवर अमर्यादित कॉलिंग आणि दररोज 100 मोफत एसएमएसची सुविधा देखील दिली जाईल. या अतिरिक्त ऑफरमुळे प्लॅनच्या किंमतीत कोणताही फरक पडणार नाही आणि तो 499 रुपयांसाठी समान राहील.

249 रुपयांच्या रिचार्ज प्लॅनमध्ये बदल

BSNL च्या 249 रुपयांच्या रिचार्ज प्लॅनची ​​वैधताही पाच दिवसांनी वाढवण्यात आली आहे. आता या प्लानमध्ये तुम्हाला 35 दिवसांसाठी 50GB हाय स्पीड डेटा, कोणत्याही नेटवर्कवर अमर्यादित कॉलिंग, दररोज 100 SMS आणि BSNL Tunes आणि Eros Now चे स्ट्रीमिंग फायदे मिळतील. जर तुमचा 50GB डेटा संपला असेल तर तुमचा इंटरनेट स्पीड 80Kbps पर्यंत कमी होईल.

398 रुपयांच्या रिचार्ज प्लॅनवर उत्सवाची ऑफर

BSNL च्या 398 रुपयांच्या रिचार्ज प्लानमध्ये तुम्हाला अमर्यादित डेटा, घरी अमर्यादित व्हॉइस कॉलिंग, दिल्ली आणि मुंबईच्या MTNL नेटवर्कवर राष्ट्रीय रोमिंग आणि दररोज 100 SMS मिळतील. तसेच, संपूर्ण डेटा दरम्यान या डेटाची गती कमी केली जाणार नाही. जरी या प्लॅनची ​​वैधता 30 दिवसांची होती, परंतु या सणासुदीच्या ऑफर अंतर्गत, वैधता पाच दिवसांवरून 35 दिवस करण्यात आली आहे.

जर तुम्हाला बीएसएनएलच्या या सणासुदीच्या ऑफरचा लाभ घ्यायचा असेल तर तुमच्याकडे 6 नोव्हेंबरपर्यंत वेळ आहे कारण ही ऑफर फक्त तोपर्यंत वैध आहे.

[ad_2]